O estaleiro vigués Freire negocia un pedido millonario

O ministro de Asuntos Marítimos e Pesca de Indonesia visitou o estaleiro vigués Freire para propoñerlles aos responsables de Freire un pedido millonario, que se iniciaría cunha patrulleira de 60 metros de eslora para entregar en 2024.

Despois de construír o buque escola Bima Suci para a Armada indonesia, o país quere que o estaleiro vigués se encargue tamén das embarcacións para vixilancia pesqueira e de investigación das súas augas territoriais.

Mentres, Freire traballa cunha ampla carteira de pedidos, con dous megaiates e dous oceanográficos para os Estados Unidos e os Emiratos Árabes.