O Gran Peña buscará este domingo un bo resultado que levar a Salamanca

Celta Gran Peña-Salamanca. O terceiro equipo do Celta quere ascender a Segunda Federación pero ten por diante unha esixente eliminatoria. A ida, este domingo en Barreiro. Os celestes xa demostraron a súa fortaleza nas dúas anteriores eliminatorias, contra a Sarriana e sobre todo contra a U. D. Ourense, cun exercicio de resistencia nos últimos minutos no campo vigués.

O Salamanca prepárase xa para a volta. Había ringleiras nos arredores da praza maior este venres para facerse cunha localidade. Encherán o Helmántico. Altamente motivados e arroupados pola afección celeste o Celta C Gran Peña buscará este domingo en Barreiro un bo resultado que levar a Salamanca.