O Guijuelo non pasa do empate en Lugo e dálle vía libre ao Arenteiro

O Polvorín e o Guijuelo empataron sen goles nun partido no que o filial do Lugo foi mellor. O Guijuelo xogaba a súa presenza no play off, pero nunca tivo a ambición suficiente para inquietar a porta de Julen. 

Pola contra o Polvorín mantívose fiel ás súas ideas e buscou desde o principio o gol. Volveu ter os mesmos problemas de todo o campionato, o seu escaso tino cara á porta contraria. O dominio local incrementouse coa expulsión de Colorado mediado o segundo tempo, pero o marcador xa non se moveu. 

O resultado favorece o Arenteiro, porque o Guijuelo era un dos dous equipos que podía chegar á súa puntuación e quedou neutralizada esa posibilidade.