Swedberg, listo para reaparecer en Mallorca
O técnico celeste recupera tamén o internacional Óscar Mingueza
O atacante sueco Williot Swedberg está listo para reaparecer en Mallorca despois de recuperarse da rotura fibrilar que sufriu no bíceps femoral dereito durante o partido contra o Xirona do pasado 1 de marzo.
O futbolista completou con normalidade a sesión de adestramento deste xoves na cidade deportiva Afouteza, polo que mañá recibirá a alta médica e, en principio, entrará na convocatoria de Claudio Giráldez.
O técnico celeste, ademais, recupera ao internacional español Óscar Mingueza, que non puido xogar contra As Palmas ao ter que cumprir ciclo de tarxetas amarelas.
Coa recuperación destes futbolistas, o normal é que o atacante noruegués Jones O-Abdellaoui, fichado no pasado mercado invernal, volve xogar coa Celta Fortuna, que pelexa por eludir o descenso a Segunda Federación.
