O tridente do Barcelona exhíbese para encamiñar o pase ás semifinais (4-0)

O Barcelona queda moi preto das semifinais da Liga de Campións despois de gañarlle por 4-0 ao Borussia de Dortmund e demostrando unha gran superioridade. Raphinha e Lewandowski -2- e Yamal marcaron os goles do equipo de Hansi Flick. 

¿A qué juega este muchacho...?

Lamine Yamal Nasraoui Ebana 🪄#UCL #LaCasaDelFútbol pic.twitter.com/l1DC8T4cQz

— Fútbol en Movistar Plus+ (@MovistarFutbol) April 9, 2025

O Barcelona saíu moi forte no partido e gozou de tres ocasións claras nos primeiros sete minutos con Lamine Yamal como protagonista. Non abriu o marcador ata o minuto 25 cando Raphinha empurrou na liña de gol un remate de Cubarsí. O brasileiro, máximo goleador da Champions, marcou nunha posición moi axustada. O Dortmund mellorou no treito final dese primeiro tempo pero non materializou ningunha das súas oportunidades. 

𝐑𝐚𝐩𝐡𝐢𝐧𝐡𝐚 dice que para él.
12º gol del brasileño en #UCL. #LaCasaDelFútbol pic.twitter.com/vlfovz0dMu

— Fútbol en Movistar Plus+ (@MovistarFutbol) April 9, 2025

Nada máis comezar o segundo tempo Lewandowski marcou o segundo aproveitando unha deixada de cabeza do propio Raphinha. O Barça seguiu marcando un forte ritmo á procura do terceiro e Fermín rozouno cun remate que petou contra o poste. O terceiro era cuestión de tempo e atinou Lewandowski noutra xogada rápida de contragolpe con centro de Fermín e remate do polaco. 

Cocina 𝐋𝐚𝐦𝐢𝐧𝐞.
Sirve 𝐅𝐞𝐫𝐦𝐢́𝐧.
Se lo come 𝐋𝐞𝐰𝐚𝐧𝐝𝐨𝐰𝐬𝐤𝐢.#UCL #LaCasaDelFútbol pic.twitter.com/ChNZZD8YQM

— Fútbol en Movistar Plus+ (@MovistarFutbol) April 9, 2025

Co Dortmund botado arriba o Barcelona atopaba espazos para correr á contra. No 77 Lamine Yamal culminou o seu gran partido cun remate cruzado para poñer o 4-0. O Dortmund tería unha última oportunidade e marcou un gol pero o colexiado anulouno por posición de fóra de xogo. 

Nunha semana tocará afrontar a volta en Alemaña pero o Barcelona ten pé e medio nas semifinais da Liga de Campións.