O Real Madrid acaba co Atlético desde o punto de penalti
O partido acabou co 1-0 a prol do Atlético pero na quenda de penaltis os de Ancelotti impuxéronse por 4-2
O Real Madrid clasificouse para os cuartos de final da Liga de Campións despois de eliminar o Atlético na quenda de penaltis. O partido acabou con 1-0 para o Atlético que compensaba o 2-1 da ida a prol do Real Madrid. Nos lanzamentos desde o punto de penalti os de Ancelotti estiveron máis atinados (4-2).
Trinta segundos pasaran cando o Atlético empatou a eliminatoria cun gol de Gallacher. No primeiro tempo a intensidade dos de Simeone mandou por riba do fútbol control dun Real Madrid moi pouco atinado nas súas accións de ataque. Julián Álvarez nun par de xogadas obrigou a intervir a Courtois e o Atlético puido marchar cunha vantaxe meirande ao descanso.
𝐆𝐚𝐥𝐥𝐚𝐠𝐡𝐞𝐫 desata el delirio en el Metropolitano.
— Fútbol en Movistar Plus+ (@MovistarFutbol) March 12, 2025
30 segundos y el 𝐀𝐭𝐥𝐞𝐭𝐢 iguala la eliminatoria. #UCL #LaCasaDelFútbol pic.twitter.com/HdhsMgGibU
O segundo tempo deixounos un equipo local menos incisivo en ataque. O Real Madrid tampouco aparecía ata que no minuto 68 Mbappé inventou unha xogada na que forzou o penalti de Lenglet. Vinicius tiña a oportunidade de recuperar a vantaxe para o Real Madrid pero mandou o lanzamento á bancada.
Vinícius Júnior falló el penalti.#UCL #LaCasaDelFútbol https://t.co/hZf0mhuhea pic.twitter.com/vehz83Xvvu
— Fútbol en Movistar Plus+ (@MovistarFutbol) March 12, 2025
Puido evitar a prórroga Ángel Correa no engadido cun remate que marchou rozando o traveseiro pero o tempo suplementario era inevitable. Cos dous equipos moi limitados no aspecto físico os trinta minutos de prórroga non resolveron nada e tivo que decidirse o clasificado para os cuartos de final na quenda de penaltis.
Mbappé, Sorloth e Bellingham anotaron os tres primeiros. O segundo do Atlético marcouno Julián Álvarez pero o colexiado anulouno ao tocar o balón cos dous pés. Valverde e Correa non fallaron. No cuarto lanzamento Lucas errou pero Marcos Llorente non aproveitou a oportunidade e mandou o lanzamento ao traveseiro. No quinto e definitivo Rudiger sentenciou para o Real Madrid.
