Szczesny e Raphinha certifican un triunfo de moito mérito do Barcelona
Malia xogar con dez desde o minuto 20 por expulsión de Cubarsí, o Barça trae un triunfo do campo do Benfica (0-1) para a volta
O Barcelona conseguiu un triunfo de moito mérito no campo do Benfica. Tivo que xogar con dez desde o minuto 20 do encontro por expulsión de Cubarsí. Atopou a mellor versión do porteiro polaco Szczęsny, que realizou un partidazo e detivo todos os intentos, e foron moitos, dos portugueses.
Roja directa para Pau Cubarsí.
— Fútbol en Movistar Plus+ (@MovistarFutbol) March 5, 2025
Se queda con diez el Barça en el minuto 22. #UCL #LaCasaDelFútbol pic.twitter.com/Hk3wRDEHGC
Aos dous minutos cada equipo xa tivera cadansúa oportunidade. Xogouse a un ritmo de vertixe todo o primeiro tempo ata a expulsión de Cubarsí. A partir dese intre o porteiro polaco converteuse no heroe do Barcelona, con tres paradóns que evitaron a vantaxe do Benfica ao descanso.
𝐷𝑜𝑛 𝑅𝑎𝑝ℎ𝑎𝑒𝑙 𝐷𝑖𝑎𝑠 𝐵𝑒𝑙𝑙𝑜𝑙𝑖:
— Fútbol en Movistar Plus+ (@MovistarFutbol) March 5, 2025
💥 El latigazo de Raphinha.
📈 9 goles en 9 partidos.#UCL #LaCasaDelFútbol pic.twitter.com/M2u1C5putQ
A segunda parte abriuse con outra intervención de Szczęsny xusto antes de que Raphinha conseguise marcar o gol da vitoria nun dos poucos achegamentos do Barcelona desde que quedou con dez. Tocou un exercicio defensivo para o equipo de Flick, que soubo sufrir apoiado na súa portería e sacou un triunfo impensable vendo as estatísticas de lanzamentos a portería, porque o Benfica executou 25 tiros e non conseguiu marcar ningún gol.
