O Barcelona quere volver a unha semifinal de Champions 6 anos despois

O Barça viaxa a Alemaña co pase a semifinais no peto despois do 4 a 0 logrado na ida. Un trámite para os de Hansi Flick, que no encontro de Montjuic foron moi superiores ao conxunto alemán e practicamente sentenciaron a eliminatoria cos goles de Rapinha, Lamine e Lewandowski por partida dobre. 

A pesar da vantaxe, Flick, que coñece o ambiente do Signal Iduna Park polo seu pasado na Bundesliga, pediulle aos seus xogadores que manteñan a concentración e que fagan un encontro serio.

Para o encontro desta noite, Balde causa baixa no carril esquerdo por unha lesión no bíceps femoral que o deixará 3 semanas afastado dos terreos de xogo. Gerard Martín é unha das opcións para substituír o lateral. O Borussia afronta o milagre con baixas importantes como as de Marcel Sabitzer, Filippo Mané e Nico Schlotterbeck.