O PSG cae en Niza días antes de visitar o Real Madrid

Un gol de Delort no minuto 88 tombou por terceira vez esta temporada no torneo francés o París Saint Germain, coa cabeza máis posta no partido de volta da Liga de Campións no Santiago Bernabeu. E iso que xogaba diante dun Niza, que se está a amosar como un dos mellores equipos da competición francesa que seguen a dominar os de Pocchetino con man de ferro. Xogaron no tridente Messi, Neymar e Di María. Faltou Mbappé, disposto a liala na Liga de Campións.