O Rácing busca o liderado na visita do Español (21:00 h)

Nico Serrano poderá gozar hoxe na bancada da Malata do ambiente de euforia que se vive en Ferrol. Será a nova peza para o Rácing, que xa pasou a páxina da Copa e volve centrarse nunha liga que lle dá moitas satisfaccións. 

Hoxe os ferroláns, segundos na táboa, poden colocarse líderes se derrotan o Español, que vai sexto con tres puntos menos.

Clemente e Señé, baixas por lesión. Pero o que máis condiciona a aliñación do Rácing é o estado do céspede da Malata, criticado polo técnico ante o Sevilla, e que non volveron pisar dende entón.

Non fallará a bancada, sen entradas dispoñibles dende hai varios días. Comeza a segunda volta, co reto de manter a fortaleza da Malata, que continúa invicta en liga.