O Rácing viaxa con oito baixas para xogar a Copa ante un rival "descoñecido" para Cristóbal
O Rácing viaxa con oito baixas para xogar a Copa ante un rival "descoñecido" para Cristóbal
Cristóbal citou o xuvenil David Carballo, que é un dos habituais nos adestramentos do primeiro equipo racinguista
O Rácing xoga ante o Club Deportivo Cuarte, un equipo da Terceira Federación de Aragón
O Rácing de Ferrol xogará mañá xoves, ás 21:00 horas en Zaragoza, o partido da primeira eliminatoria da Copa do Rei no que se enfrontará ao Club Deportivo Cuarte, un equipo do grupo 17, o aragonés, da Terceira Federación. Para afrontar este encontro Cristóbal ten oito baixas, polo que citou o xuvenil David Carballo, que é un dos habituais nos adestramentos do primeiro equipo racinguista.
Erick Cabaco, Luis Perea, Brais Martínez, Gelardo e Señé son baixa por lesión, aos que se unen os dous xogadores que eran dúbida por problemas físicos, Rober Correa e Josué Dorrío, que tampouco estarán dispoñibles para este encontro. Cristóbal tampouco poderá contar con Manzanara, que está sancionado, castigo que arrastra da última eliminatoria de Copa do Rei disputada fronte ao Sevilla no campo da Malata.
Os clubs adoitan utilizar os partidos de Copa do Rei para dar minutos aos menos habituais na competición, aínda que Cristóbal, salvou que faga debutar na portería a Yoel Rodríguez ou a Bernad terá que botar man dos que ten que son habituais na liga.
