O Rally da Auga cae do calendario de 2024

A Agrupación Deportiva Noroeste Motor e o Comité Organizador do Rally da Auga dedidiron cancelar a vindeira edición da proba, que estaba programada para os días 12 e 13 de abril e pertencía ao Campionato de España de Rallys de Terra. 

"O noso esgotamento organizativo e a incerteza institucional no ámbito deportivo e económico fainos tomar esta difícil decisión logo dunha coidadosa consideración e avaliación da situación actual". 

No comunicado tamén aseguran que agardan reanudar este emocionante evento no futuro. O Rally da Auga percorría as comarcas de Cerceda, Frades, Mesía, Ordes, Oroso, Tordoia e Trazo.