Os árbitros pídenlle á Liga "respecto e responsabilidade institucional"
Os árbitros pídenlle á Liga "respecto e responsabilidade institucional"
O texto conclúe cunha chamada á reflexión para "non ter que lamentar ningunha desgraza máis das xa acaecidas, nin ter que adoptar medidas drásticas e con urxencia
Os árbitros profesionais emitiron un comunicado este martes en que lamentan "os ataques permanentes da Liga e os seus dirixentes", piden "respecto e responsabilidade institucional", e defenden que sempre deben ser autónomos da patronal de clubs.
No escrito difundido polo Comité Técnico de Árbitros (CTA), a arbitraxe profesional mostra a súa profunda preocupación "pola lamentable situación" xerada arredor do colectivo, no que considera "unha campaña perfectamente medida e organizada".
"Os dirixentes de LaLiga non poden lamentar permanentemente unha crise reputacional no fútbol español e ao mesmo tempo colaborar a xerala a través dunha chamada á crispación e á violencia contra os árbitros nunha manobra que só conduce á desvalorización do noso fútbol e ao seu descrédito social", engade.
O texto, acompañado dun vídeo co título de Máis de 100 árbitros agredidos, conclúe cunha chamada á reflexión para "non ter que lamentar ningunha desgraza máis das xa acaecidas, nin ter que adoptar medidas drásticas e con urxencia que repercutirían directamente na nosa competición"
🚨 𝗢𝗙𝗜𝗖𝗜𝗔𝗟 | Comunicado del arbitraje profesional
— CTA (@CTARFEF) April 18, 2023
🔗 https://t.co/4FY0jXnpfd pic.twitter.com/qx3Mx0HNwv
