O xuíz cita a declarar a Rosell e Bartomeu como investigados polo Caso Negreira
O xuíz cita a declarar a Rosell e Bartomeu como investigados polo Caso Negreira
![](https://img-g24-crtvg.flumotion.com/prog24/2024/20240619/rosel.jpg)
O xuíz que investiga os pagamentos ao exvicepresidente do Comité Técnico de Árbitros José María Enríquez Negreira acordou citar a declarar os expresidentes do Barcelona Sandro Rosell e Josep María Bartomeu nunha data aínda por determinar.
O titular do xulgado número 1 de Barcelona, Joaquín Aguirre, acorda citar tamén o investigado Albert Soler, exdirector de deportes profesionais do club, e o fillo de Negreira Javier Enríquez Romero.
Trátase dun dos primeiros pasos que deu o xuíz do caso Negreira despois de que a Audiencia de Barcelona acordase o pasado mes de maio exculpar o actual presidente do club Joan Laporta porque os pagamentos que fixo na súa primeira etapa á fronte do club, entre 2008 e 2010, están prescritos.
Ata o momento o único dos investigados que compareceu na causa foi o propio Negreira, que o pasado 19 de marzo se limitou a comunicar ao xuíz que se acollía ao seu dereito de non declarar.