Resultado "Justo" para o Racing
Resultado "Justo" para o Racing
Vitoria por 0-5 en que brillou Manu Justo cun hat-trick
Chuca e Heber Pena completaron o electrónico
O Racing de Ferrol disputou esta tarde o seu segundo amigable de pretemporada, que tamén resolveu con goleada.
Enfrontouse co Racing Vilalbés en Xove, nun partido en que Cristóbal apostou no once titular por cinco das seis novas incorporacións: o porteiro Bernard, Íker Losada, Nacho Sánchez, Chuca e Señé.
Mais o protagonismo non foi para ningunha fichaxe, senón para Manu Justo. O dianteiro vigués abriu o marcador e completou un hat-trick. Os dous primeiros tantos chegaron na primeira metade. O terceiro, de penalti, xa na continuación.
Co 3-0 o Racing Vilalbés quedou cun home menos por expulsión de Make. Despois chegou o cuarto tanto, obra de Chuca e pecharía o marcador Heber Pena despois da asistencia dun Justo que non quixo aumentar a súa cota goleadora.
Despois do encontro falou o protagonista.
O Racing suma dous amigables nesta pretempada: 0-4 e 0-5. Certo é que son equipos de categorías inferiores, mais os ferroláns comezan ben.
