As chamadas comerciais sen consentimento están prohibidas dende 2023
As empresas seguen a facer contactos telefónicos non autorizados amparándose nas excepcións da lei xeral de telecomunicacións
Dende hai case dous anos está prohibido facer chamadas comerciais sen consentimento. Porén, segue a ser unha práctica cotiá e débese, en parte, a que a lei xeral de telecomunicacións contempla algunhas excepcións.
Unha das excepcións é que a empresa teña un interese lexítimo cando alguén foi cliente nos últimos doce meses. Outra, cando alguén dá o seu consentimento, consciente ou non, ao asinaren para ceder os datos a terceiros.
Ás veces estas chamadas agochan fraudes que buscan conseguir os nosos datos persoais e financeiros e fanse pasar por compañías de gas, luz, telefonía ou aseguradoras, suplantando os seus números.
