O Celta apúntase á Europa League (3-0)
O equipo de Giráldez superou con claridade ao Vilarreal cos goles de Fer López, Borja Iglesias e Aspas
Os visitantes xogaron con dez desde o minuto 37 por expulsión de Bailly
Minuto a minuto
Boas tardes! Partido moi importante para o Celta e o Vilarreal nas súas aspiracións europeas. O Celta quere volver a gañar en Balaídos despois de non facelo nos dous últimos encontros diante da súa xente contra As Palmas e Español. Un triunfo devolveríao a postos de competición europea. O Vilarreal é quinto, ocupa praza de Champions, pero nestas últimas xornadas está perdendo folgos diante do acoso do Betis.
Velaquí o equipo do Celta con novidades importantes. Carlos e Yoel na defensa. Volve Hugo Álvarez e Fer López é o acompañante de Borja e Alfon na dianteira
𝑷𝒐𝒍𝒐 𝑹𝒆𝒂𝒍 𝑪𝒍𝒖𝒃 𝑪𝒆𝒍𝒕𝒂... 𝒙𝒐𝒈𝒂𝒓𝒂́𝒏... 🩵#CeltaVillarreal ⋄ #LALIGAEASPORTS pic.twitter.com/FbesDNuyRA
— RC Celta (@RCCelta) April 23, 2025
O Vilarreal aposta por un centro do campo galego con Santi Comesaña e Denís Suárez aos mandos
🟡 ONCE INICIAL 🟡#CeltaVillarreal pic.twitter.com/2lqw76UmRY
— Villarreal CF (@VillarrealCF) April 23, 2025
O Himno do Centenario na megafonía ... E saltan os xogadores ao campo!!
Despois dun minuto de silencio ... Xa temos o partido en marcha!!!!!
Primeiro remate de Borja Iglesias que rexeita con problemas o porteiro do Vilarreal
Que estratexia!!! Saca Mingueza, toca Marcos Alonso e só falta o último remate. Bo inicio do Celta
Primeiro cuarto de hora. Dominio total do balón por parte do Celta diante dun Vilarreal que o fía todo á contra
Remate de cabeza moi frouxo de Barry ás mans de Guaita
Ocasión clarísima de Fer López despois dun pase de Borja. Salvou Kambwala o primeiro do Celta
Centro chut de Barry que non atopa portería nin rematador
Córner para o Vilarreal que remata Comesaña un pouco alto
Expulsado Bailly con cartón vermello directo por unha falta sobre Alfon cando era o último xogador da defensa do Vilarreal!!!
Tiro fortísimo pero centrado de Marcos Alonso que rexeita o porteiro visitante Júnior
1-0 GOOOOOOL DE FER LÓPEZ. Remate cruzado de Fran Beltrán que empurra o canteirán á rede
Outra boa ocasión de Hugo Álvarez. O Vilarreal está contra as cordas e puido chegar o segundo
Tempo de lecer en Balaídos. Manda o Celta grazas ao gol de Fer López. O Vilarreal con 10 pola expulsión de Bailly
Comeza a segunda parte coa entrada de Ilaix no sitio de Fran Beltrán
Remata de cabeza Borja Iglesias e saca Júnior a córner
Gran acción individual de Nicolas Pepé e saiulle un tiro moi centrado. A mellor xogada do Vilarreal en todo o partido
2-0 GOOOOOOOL DE BORJA IGLESIAS. O remate de Ilaix estrelouse contra o poste pero o Panda colleu o rexeite para marcar o segundo
Falla Comesaña un remate de cabeza cando se atopaba nunha posición inmellorable
Tres trocos no Villarreal. Un deles o de Denis Suárez que marcha entre aplausos. Tamén se prepara Iago Aspas
Remata cruzado Carreira e salva Kiko Femenía ... e na seguinte xogada Iago Aspas remata desde a frontal e salva Júnior o que sería un golazo
Aspas conecta con Carreira que remata alto. O de Moaña entrou pletórico no partido
Tremendo furolo de Ilaix e paradón de Júnior
Lanzamento con intención de Buchanan que sae a rentes do pau da porta de Guaita
3-0 GOOOOOOOOOL DE ASPAS!!!! Penalti sobre Ilaix Moriba que transforma Iago Aspas
Final do partido en Balaídos. Goleada do Celta que superou en todos os aspectos ao Vilarreal. O equipo de Claudio xa é sétimo, en posto de Europa League
