Simón Lamas colle a remuda de Rubén de la Barrera á fronte do Vizela

O adestrador chairego Simón Lamas será o adestrador do Vizela portugués en substitución do coruñés Rubén de la Barrera que foi substituído polo club. O equipo, que marcha na décima posición do campionato moi lonxe dos seus obxectivos iniciais que eran regresar á máxima categoría do fútbol portugués, categoría que perderon o ano pasado. 

Dentro da galeguización do seu corpo técnico Simón chegara en agosto para adestrar o equipo sub 23 e agora tocaralle levar as rendas do primeiro equipo. O adestrador ten experiencia no Rácing Vilalbés co que xogou en División de Honra xuvenil e co que conseguiu o fito histórico do ascenso a Segunda Federación no primeiro equipo malia ser un dos técnicos máis novos da Terceira galega.