Superioridade manifesta do Granollers diante do Cisne (37-24)

O Granollers, segundo clasificado da Liga Asobal, non lle deu ningunha concesión ao Cisne e derrotouno por trece goles de diferenza (37-24). Os galegos non tiveron ningunha opción de pelexar por un partido que arrincaron cun 5-0 en contra. 

Iso permitiulle ao Granollers dominar a primeira parte cunha ampla marxe. Malia a mellora nalgunhas fases do partido do Cisne o resultado ao descanso era contundente: 18-11.

A segunda metade volveu comezar con outro parcial de 3-0 para os locais que deixou a renta en dez goles. O Cisne tirou de garra e volveu a poñerse a só cinco goles (25-20) pero cando os cataláns volveron a poñer o pé no acelerador acabaron por sentenciar.