O Pontevedra tentará asinar outra xesta ante o Vilarreal

O Pontevedra, líder en solitario do grupo I de Segunda Federación, tentará protagonizar outra sorpresa na Copa do Rei ante o Vilarreal, despois de eliminar na primeira eliminatoria o Levante, un dos favoritos ao ascenso a Primeira División.

Nun Pasarón case cheo, o equipo granate buscará alongar a súa boa dinámica como local. Ata a data, só o Marino de Luanco conseguiu gañar no estadio do Pontevedra, e iso foi hai case dous meses.

A posibilidade de seguir vivo na Copa xerou unha enorme ilusión entre a afección galega, a pesar de que enfronte terán a un Vilarreal que só perdeu un dos seus últimos nove partidos, ante o Real Madrid no Santiago Bernabeu.

Yago Iglesias dará, con algún pequeno retoque, continuidade ao once que vén xogando en Liga a pesar de que tres días despois visitará o campo do Laredo, pechacancelas do seu grupo.

"Non imos cambiar o xeito de xogar porque o rival sexa de Primeira e de Champions".

"Iremos a morte coa nosa idea en calquera competición".

O técnico granate non poderá contar, por lesión, con Jesús Cambil, que sufriu unha lesión de xeonllo no último partido ante o Salamanca.