O Pontevedra asoballa o Levante e supera a eliminatoria de Copa (4-1)
O Pontevedra asoballa o Levante e supera a eliminatoria de Copa (4-1)
Non se notou a diferenza de categoría entre os dous equipos e os de Iago Iglesias foron moi superiores a un equipo de Segunda División
Héctor, Fontán, Chiqui e Yelko marcaron os goles
O Pontevedra pasou por riba do Levante na primeira eliminatoria da Copa do Rei e conseguiu a vitoria por 4-1. O equipo de Segunda División xogou en inferioridade durante máis dunha hora pero foi incapaz de frear a avalancha de fútbol que se lle veu enriba. Héctor marcou no minuto 24 dun primeiro tempo que puido rematar con goleada.
Na segunda metade Javi Fontán aumentou a vantaxe. O Levante meteu a todos os titulares e conseguiu recurtar diferenzas cun tanto de Morales. Pero no treito final o equipo pontevedrés aproveitou os ocos que deixou o seu rival para machacar cos tantos de Chiqui e de Yelko.
