O Pontevedra mide a súa ambición copeira diante do Levante (martes, 20:00, G2)

O Pontevedra xoga o seu partido da primeira eliminatoria de Copa este martes diante do Levante (20:00 horas, en directo na G2). Despois de teren que adiar ata en dúas ocasións a cita por todo o acontecido en Valencia á fin poderase disputar o partido en Pasarón. 

O equipo de Iago Iglesias acode á cita coa máxima ilusión e ambición. Esta semana colleu o posto de líder na 2RFEF por primeira vez na temporada superando o Numancia. Esa condición e xogar ao abrigo do seu público van ser dúas armas coas que vai contar o equipo granate ao que non lle dá medo o diferenza de categoría. 

Ben é certo que o Levante tamén está a facer unha gran campaña. Tivo que adiar dous partidos e, aínda así, está a catro puntos do ascenso directo a Primeira División. O equipo de Calero regresou á competición esta pasada fin de semana con empate diante do Elxe.