Dalisson decide cun gol na última xogada do partido (0-1)

Dalisson decidiu o partido entre o Coruxo e o Pontevedra na derradeira xogada. O tiro do centrocampista granate tocou nun xogador local e acabou na rede de Alberto Domínguez.

Encontro moi parello, o xogado entre os dous equipos pontevedreses. Cambill e Chiqui buscaron o gol para os visitantes no primeiro tempo e o Coruxo buscouno con máis ímpeto no segundo tempo. A cinco minutos do final foi expulsado o local Borja Domínguez, ex-xogador do Pontevedra. E no 95 apareceu Dalisson para marcar o gol da vitoria.