O Pontevedra saca un punto da ratoeira do Llanera (0-0)

O Pontevedra non puido pasar do empate no campo do Llanera. O Pepe Quimarán é un terreo que marca moito os partidos polas súas dimensións (90x47) e a todos os equipos lles custa adaptarse a iso e á superficie de céspede artificial. 

O conxunto pontevedrés, que viña de dar unha exhibición na Copa do Rei diante do Levante, gozou de boas ocasións para mover o marcador pero tamén o equipo local, máis adaptado ás medidas, ameazou con xogadas de perigo, sobre todo un lanzamento que se foi ao pau na primeira parte.