Salamanca-Celta, Ourense C. F.-Dépor, Pontevedra-Vilarreal e Barakaldo-Rácing, na segunda rolda da Copa

Este mércores celebrouse o sorteo da segunda eliminatoria da Copa do Rei, con cinco equipos galegos e un duelo galego de rivalidade. Os partidos vanse disputar a próxima semana a noventa minutos, agás que haxa prórroga.

O Celta xogará en Salamanca, onde debutou Iago Aspas hai dezaseis anos co primeiro equipo. Estadio Helmántico. Ao Rácing de Ferrol tocoulle o Barakaldo, de Primeira Federación.

No Couto veremos o duelo galego Ourense C. F.-Deportivo.  Coincide a visita do Deportivo coa reacción do Ourense. O Ourense está dirixido por un técnico, Pablo López, formado nas categorías inferiores da entidade branca e azul. Ourense e Deportivo manteñen unhas excelentes relacións.

Ao Pontevedra tocoulle un rival de consideración, un Vilarreal cheo de futbolistas de nivel europeo Pasarón volverá asistir a outra día de festa. Chegará o Vilarreal, dos mellores equipos da liga, con temporadas en Europa e pelexando polos postos altos. No Vilarreal están Santi Comesaña e Denis Suárez, que está volvendo dunha lesión. Tras eliminar ao Levante o cadro de Iago Iglesia prepárase para outra fazaña.

Estes son todos os emparellamentos: 

CE Europa (2ª RFEF) - Las Palmas (1ª)

UE Olot (2ª RFEF) - Sevilla (1ª)

Orihuela (2ª RFEF) - Getafe (1ª)

UD Logroñés (2ª RFEF) - Girona (1ª)

Sant Andreu (2ª RFEF) - Betis (1ª)

Salamanca UDS (2ª RFEF) - Celta de Vigo (1ª)

Conquense (2ª RFEF) - Real Sociedad (1ª)

Cacereño (2ª RFEF) - Atlético de Madrid (1ª)

Estepona Fútbol Senior (2ª RFEF) - Leganés (1ª)

Real Ávila (2ª RFEF) - Valladolid (1ª)

UD Barbastro (2ª RFEF) - Espanyol (1ª)

Deportiva Minera (2ª RFEF) - Alavés (1ª)

SD Ejea (2ª RFEF) - Valencia (1ª)

Pontevedra (2ª RFEF) - Villarreal (1ª)

Ourense (1ª RFEF) - Deportivo (2ª)

Nàstic (1ª RFEF) - Huesca (2ª)

Marbella (1ª RFEF) - Burgos (2ª)

Ponferradina (1ª RFEF) - Castellón (2ª)

Zamora (1ª RFEF) - Tenerife (2ª)

Barakaldo (1ª RFEF) - Racing de Ferrol (2ª)

Yeclano Deportivo (1ª RFEF) - Elche (2ª)

Unionistas (1ª RFEF) - Rayo Vallecano (1ª)

Andorra (1ª RFEF) - Cartagena (2ª)

Cultural y Deportiva Leonesa (1ª RFEF) - Almería (2ª)

Ceuta (1ª RFEF) - Osasuna (1ª)

Cádiz (2ª) - Eldense (2ª)

Racing de Santander (2ª) - Sporting de Gijón (2ª)

Real Zaragoza (2ª) - Granada (2ª)