O Celta ata a Hugo Álvarez ata o 2028

O Celta segue coa política de renovar os seus canteiráns. O último caso é o de Hugo Álvarez. O interior ourensán (21 anos) asina ata 2028 nunha aposta clara polo club por un dos xogadores que mellor rendemento está a dar desde que subiu ao primeiro equipo. 

Nesta temporada, con case 1.000 minutos, é un dos xogadores máis empregados por Claudio Giráldez. Xa leva marcados dous goles, tres en Primeira se contamos o decisivo a campaña pasada contra o Athlétic para a salvación do cadro vigués.

Hugo é un produto da Madroa e de Afouteza. Chegou moi cativo a Vigo e foi subindo chanzos ata debutar co filial aínda en idade xuvenil. En dúas campañas en Primeira Federación converteuse nun dos mellores xogadores de todo a categoría e agora amosa estar preparado máis que de sobra para ser determinante en Primeira División.