O Rácing busca o gol para acabar coa xeira de seis xornadas sen gañar

Un can sen dentes non traba. Un equipo sen gol non gaña. O Rácing anotou nove. O peor rexistro da categoría. E cando o balón non entra, o ambiente enrarécese.

Hai seis xornadas que o Rácing non gaña. En Castalia busca un calmante para a ansiedade. Desta volta fronte a un rival anárquico, impredicible, acabado de ascender que se move polo medio da táboa, pero que é o segundo peor na casa: gañou dos partidos de sete. Unha fenda a explorar polos verdes.