Teresa Portela: "Moi decepcionada, importan outras cousas que non son o equipo nacional feminino"
Unha vez rematados os últimos Xogos, Teresa Portela viuse sen adestrador e sen unhas condicións de adestramento necesarias para buscar o seguinte reto
Tras acadar diploma olímpico en París, semellaba que Pontevedra seguiría sendo a sede do K-4 nacional feminino, do que tamén formaba parte a galega Carolina García.
Despois duns meses de incerteza, falta de planificación e adestrador, a Federación comunicoulles por mail que o K-4 feminino se trasladaría a Sevilla a partir de febreiro
"Estou moi decepcionada, dialoguei. pero importan outras cousas que non son o equipo nacional feminino".
"Non sei como pode acabar isto, non podía tapalo e esta temporada está tirada".
Teresa non pecha a porta para loitar por ir aos seus oitavos Xogos pero todo isto faille perder un ano de preparación.
"Non pecho a porta porque hoxe están uns no alto da federación e noutro momento están outros. Teñen que antepoñer aos deportistas".
A padexeira de Aldán, prata en Tokio 21, levaba adestrándose desde o ano 2009 con Daniel Brage. Unha vez rematados os últimos Xogos, Teresa Portela viuse sen adestrador e sen unhas condicións de adestramento necesarias para buscar o seguinte reto.
