Un atentado nunha mesquita deixa 44 mortos e 157 feridos en Paquistán
Un atentado nunha mesquita deixa 44 mortos e 157 feridos en Paquistán
O estoupido produciuse dentro dun recinto ao que só poden acceder policías
O atentado suicida contra unha mesquita nun recinto policial de Paquistán causou este luns polo menos 44 mortos e 157 feridos, na súa maioría membros das forzas de seguridade, nun dos peores ataques contra este corpo na historia do país asiático.
"Estamos a compilar a lista de falecidos e poderemos confirmar o número final de policías en canto a completemos", afirmou Asim Khan, un portavoz do hospital de Peshawar, onde ocorreu o atentado.
O centro médico viuse obrigado a facer un chamamento a doar sangue para tratar ás decenas de vítimas do ataque.
300 fieis á hora do rezo
Os equipos de rescate seguen localizando a persoas feridas de debaixo dos entullos causados pola forte explosión, que tivo lugar cando a mesquita se atopaba especialmente concorrida durante un dos rezos.
O atacante suicida atopábase en primeira fila durante os rezos.
"É hora de que volvamos combater a guerra contra o terrorismo", dixo o ministro de Defensa paquistaní.
Polo momento ningunha formación insurxente reivindicou a autoría do ataque.
.png)
.png)
