Vilagarcía despide de xeito brillante o mundial xuvenil de vela

Terminou o Campionato do Mundo Júnior de vela, que se desenvolveu estes días en Vilagarcía. Tras unhas intensas xornadas de competición, Malta, coa tripulación formada por Richard Schultheis e Youenn Bertin, fíxose co título en 49er. En FX gañou Italia. Sofia Giunchiglia e Giulia Schio impuxéronse por diante de Alemaña e Polonia. A parella española formada pola galega Stella Maris Enríquez e a balear Marta Cardona terminaron oitavas. Bélxica proclamouse campioa na categoría de Nacra 17.