Abraham Pérez: "Fixen unha novela xeracional sobre a crise económica e a literaturización da vida"

Dicía Joyce no Ulises: "Aprende a vivir, vai por aí a coñecer mundo". Unha frase que recolle, e que ten moito que ver, coa primeira novela do ata de agora poeta Abraham Pérez. O retrato dunha xeración de mozos e mozas nos últimos anos universitarios, da vida social e amorosa, da formación, da saída a un mundo laboral cativo. O abismo entre os soños e as realidades poden ser algúns dos temas que Abraham Pérez aborda na novela O paso en falso, que publica a editorial Galaxia.