'Os sentidos da memoria' busca protexer a memoria culinaria das persoas con alzhéimer

Protexer a memoria culinaria do país e reclamar a validez das persoas que sofren enfermidades neurodexenerativas. Era o dobre obxectivo da colaboración que iniciaron hai meses os cociñeiros do Grupo Nove e a Federacion Alzhéimer Galicia. Unha colaboración que agora dá os seus froitos. Sacan un receitario onde aprender os segredos dos pratos máis saborosos das avoas e un documental que axuda a comprender mellor a enfermidade.