Un estudo da Universidade de Harvard revela de que nos arrepentimos máis ao cabo da vida

A certas alturas da vida, quen máis quen menos bota a vista a atrás para reafirmarse ou lamentarse das decisións que tomou. En Harvard empezaron en 1938 a facer o seguimento de 700 persoas para ao cabo de máis de oito décadas concluír de que se arrepinten e de que non. Aos participantes no Estudo sobre o desenvolvemento adulto o que máis lles pesa é que priorizaron o traballo ou a busca do éxito en vez das relacións máis persoais.

Facendo o mesmo balance con Luz, Loli, Concha e Nieves, residentes do Centro Sociocomunitario Porta do Camiño de Santiago o resultado é máis dispar. Elas poñen o foco nunha decisión clave, a de deixar de traballar ou non cando tiveron fillos. Na súa época era unha decisión obrigatoria cando se traballaba por conta allea, pero unhas fixérono de máis conformidade ca outras. 

No estudo de Harvard, a segunda cousa que máis lamentan os participantes é que se privaron de facer algo que lles gustaría por temor ao que dirán. Cousa que por aquí tamén deixou a súa pegada, porque lembran que as restricións da liberdade feminina chegaban ata o punto de que non estaba ben visto que entraran soas nun café. 

A hora de facer balance, estas veteranas da vida que se prestaron a facer revisión, din que tamén hai que ter en conta que eran outros tempos.