A Coruña acolle a primeira semifinal do certame Cociñeiro/a e Camareiro/a do Ano

Leva 20 anos celebrándose este concurso. De aquí vai saír o mellor cociñeiro ou cociñeira e o mellor camareiro ou camareira do ano. É un dos certames gastronómicos máis prestixiosos do país, impulsor das carreiras dos que son hoxe grandes talentos.

 "O primeiro gañador foi o famosísimo Jordi Cruz, posteriormente gañouno unha coruñesa, Beatriz Sotelo, que foi a primeira muller, a máis nova en gañar a Estrella Michelin e dende entón impulsamos a carreira de 70 Estrellas Michelin", explica Raúl López Utrilla, promotor do certame

 "E que isto ábreche as portas a un novo mundo porque este é o principal foco para que a xente te vexa", comenta Sonia García., camareira e participante no certame nesta edición

Unha media de 150 profesionais de todo o país apuntáronse a este concurso dos que a organización seleccionou 6 de cada categoría. Son os que hoxe están participando simultaneamente. Os de cociña no CIFP Paseo das Pontes. Os de sala no restaurante coruñés Árbore da Veira.

"É un concurso supercompleto en que valora todas as habilidades que ten un camareiro dende coctelería e servizo de viños, oferta de comanda, empratado", apunta Marcos Eiré, c​​​​oncursante e camareiro de viños no restaurante Miguel González

E todo iso tiveron que facelo baixo a atenta mirada dos membros do xurado, todos eles profesionais de demostrada solvencia no sector.

"Estou vendo un nivel moi alto, con moitas ganas e moi capacitados, estame de verdade, sorprendendo gratamente", relata Ana Méndez, membro do xurado e xefa de sala do Retiro da Costiña

Esta tarde coñeceranse os nomes dos candidatos que irán o ano que vén á fase final en Barcelona.