As vítimas da brutal malleira de Los Tres Monos piden que o agresor ingrese en prisión
Os agredidos no restaurante declararon nos xulgados de Marín
O propietario do local e a súa nai tentan recuperarse das lesións físicas e psicolóxicas sufridas hai un mes
É a primeira vez que Beatriz presta declaración en sede xudicial. Un mes despois de recibir unha brutal malleira no local do seu fillo, recuperándose aínda das graves lesións que sufriu, tivo que revivir o acontecido.
O suposto agresor está investigado por lesións, danos e roubo por violencia. En Los Tres Monos feriu 5 persoas, entre elas un policía que prestará declaración a próxima semana. Temen que en calquera momento se poida repetir un episodio semellante.
O agresor quedou en liberdade, ten unha orde de afastamento das vítimas, pero cren que non é suficiente. Queren que o xulgado ordene o seu ingreso en prisión.
As lesións físicas son moitas, pero eles din que o peor son as psicolóxicas. Están desexando pasar páxina canto antes e esquecer o acontecido.
