Un camioneiro sae ileso tras envorcar o seu trailer na A-6 en Begonte
O vehículo envorcou na medianeira, polo que non se viu afectada a circulación, e agardan retiralo esta tarde
O home só sufriu uns cortes leves e recibiu asistencia sanitaria no PAC
Un camioneiro saíu ileso dun aparatoso accidente na A-6 no concello de Begonte. O tráiler que conducía acabou envorcado na medianeira. E vendo como quedou o camión, parece incrible que o condutor só sufrira uns cortes leves, polos que tivo que ser atendido no PAC.
El mesmo foi capaz de saír polo seu propio pé da cabina do tráiler. Era outro condutor que pasaba por aquí o que alertaba do accidente.
O camión transportaba un colector. Quedou envorcado na medianeira polo que en ningún momento interrompeu a circulación. Está previsto que ao longo do día se achegue ata ese treito da A-6 un guindastre de grandes dimensións para levantar o camión e retiralo.
Segundo relataron veciños da zona, non é o primeiro camión que envorca neste treito aínda que o seu trazado é recto. Un descoido podería estar detrás do sinistro.
.png)
