300 maiores participan nas vacacións de Nadal da Xunta

Con mil historias ás súas costas, familiares por medio mundo, estes maiores galegos optaron por pasar as vacacións de nadal nos dous centros ofrecidos pola Xunta: O Carballiño e Nigrán. Aquí, coas comodidades dun hotel, cada día desde o vinte e catro e ata Reis é unha festa. De ximnasia, a baile, da partida ao paseo, da conversa serena á sala de televisión. A actividade non para se non queremos.

Para moitos deles son unhas verdadeiras vacacións e un xeito de esquecer os preparativos e os problema clásicos destas datas. Ter máis de 60 anos, estar empadroado en Galicia e vivir só son os requisitos necesarios para participar neste programa que é de balde e que cada ano ten maior aceptación entre os nosos maiores.