A AELG recoñece este venres a Camiño Noia e Quique Peón como mestra e mestre da memoria

A catedrática de Literatura Galega na Universidade de Vigo Camiño Noia e mais o folclorista, coreógrafo e investigador Quique Peón recollerán este venres os Premios Mestra e Mestre da Memoria que concede a Asociación de Escritoras e Escritores en Lingua galega.

Camiño Noia botou anos dedicada á clasificación do conto galego de tradición oral. Peón, pola súa parte, fixo un extenso labor de recollida de campo, recuperando bailes, danzas, músicas, traxes e tradición popular, especialmente dende o grupo Xacarandaina da Coruña.