A Axencia Galega de Doazón de Sangue alerta da falta de reservas dos grupos A+ e 0+
No programa Bos días falamos con Marisa López, directora da Axencia Galega de Doazón de Órganos e Sangue
Coa chegada do verán e o aumento dos desprazamentos para as vacacións adoitan descender as reservas de sangue. O que non baixa é a demanda para atender o correcto desenvolvemento da actividade hospitalaria.
Marisa López, directora da Axencia Galega de Doazón de Órganos e Sangue, alerta de que continúan baixas as reservas de sangue dos grupos A+ e 0+. Esta falta de reservas obrigou a adiar operacións nos hospitais de Vigo e de Santiago.
Malia as boas cifras de doazón que acada Galicia, Marisa López lembra que son necesarias unhas 500 doazóns diarias para atender a actividade hospitalaria. O descenso das provisións detectouse a finais do mes de xuño e agravouse a comezos deste mes.
