A economía española pechou 2024 cun crecemento do 3,2%

A economía española acelérase en 2024 e pecha o ano cun crecemento do 3,2 %, 0,5 puntos por encima do avance rexistrado en 2023.

Debido ao impulso do consumo interno e o investimento, fronte a unha demanda externa máis débil, de acordo cos datos publicados este mércores polo Instituto Nacional de Estatística (INE).

A demanda nacional contribuíu ao crecemento anual con 2,8 puntos porcentuais, mentres que a demanda externa (exportacións e importacións) achegou 0,6 puntos.

Só no cuarto trimestre de 2024 a economía avanzou o 0,8 %, a mesma taxa rexistrada no trimestre previo, polo empurrón do consumo dos fogares e a repunta do investimento empresarial. 

O ministro de Economía, Carlos Cuerpo, asegurou este mércores que o crecemento económico de 2024 coloca a España en "moi boa posición" para afrontar os anos 2025 e 2026 en condicións de "seguir liderando as grandes economías a nivel europeo".

Destacou os "excelentes" datos publicados polo INE, que está "catro veces por encima da zona euro" e a pesar da contorna de incerteza.

Cuerpo destacou especialmente que a economía creceu un 0,8 % no último trimestre, o que significa que "mantén o pulso" e consolida "máis de dous anos con continuas sorpresas positivas".

Por iso, o ministro quixo mandar unha "mensaxe de optimismo", xa que España atópase nunha "boa situación" para afrontar os retos que ten por diante e que cualificou de oportunidades porque "temos as ferramentas" e "temos un plan" para aproveitalas.