A Fiscalía denuncia a Rosell, Bartomeu e o Barcelona polo caso Negreira

A Fiscalía presentou a denuncia cotra o Barcelona polo caso Negreira. Nesa denuncia, acusa o club catalán dun delito de corrupción continuada no ámbito deportivo e sinala dous expresidentes, Sandro Rosell e Josep María Bartomeu,  tamén por administración desleal e falsidade documental. A denuncia vai contra outros dous cargos do club na etapa de Bartomeu e contra José María Enríquez Negreira. A Fiscalía conclúe que o Barcelona pagou ao exdirixente arbitral para que o favorecese nas arbitraxes.

Na previa do Athletic-Barcelona, Xavi Hernández non quixo avaliar a situación do club: "É unha pregunta máis para o presidente. El dinos que esteamos tranquilos, e niso estou. No vestiario estamos centrados no traballo e no fútbol".