Claudio Giráldez: "O nivel do Barcelona sen Lamine Yamal vai ser moi parecido"

Claudio Giráldez compareceu na conferencia de prensa previa ao Celta-Barcelona deste sábado. O técnico fixo fincapé na intensidade e na presión do equipo: "Temos que estar a un moi bo nivel físico para competir co Barça". Á súa vez, afirmou que a ausencia de Lamine Yamal non vai afectar ao nivel dos culés: "Teñen outros xogadores moi bos".

O adestrador celtista tamén destacou o traballo de Hansi Flick nos seus primeiros meses ao mando do Barcelona: "Convenceu en moi pouco tempo aos xogadores dun sistema defensivo e dunha maneira de apretar". Por outra banda, a esencia do equipo é innegociable para Giráldez: "Queremos ser valentes sempre, da igual cal sexa o rival".