A princesa Leonor estréase na Pascua Militar vestida de cadete
A princesa Leonor estréase na Pascua Militar vestida de cadete
O rei Filipe VI apelou á convivencia no marco constitucional
Margarita Robles pediu un cesamento do fogo permanente en Gaza
A Pascua Militar tiña no foco nesta edición á princesa Leonor, que asistía por primeira vez co uniforme de cadete.
Despois dunha salva con 21 canonazos, o rei Filipe VI pasou revista ás tropas e logo a cerimonia trasladouse ao interior do Palacio Real, onde unha vintena de militares foron condecorados.
A ministra de Defensa asegurou a continuidade do apoio a Ucraína no seu dereito á lexítima defensa e referiuse á situación en Gaza. Margarita Robles pediu un cesamento permanente do fogo na franxa.
Convivencia no marco constitucional
Despois, Filipe VI referiuse ao papel das Forzas Armadas nas misións internacionais e na preservación da "identidade histórica de España". Ademais, enxalzou o papel do estamento militar na defensa do marco de convivencia que fixa a Constitución.
O monarca rematou o seu discurso agradecendo a acollida que tivo a princesa Leonor no ámbito militar con valores como a "camaradería, a lealdade e a nobreza".
![](https://img-g24-crtvg.flumotion.com/prog24/2024/20240106/FORTADIRCELEBRACIONPASCUAMILITAR2401061130_frame_173884.png)
A Pascua Militar é unha tradición que instaurou Carlos III como felicitación ao Exército despois de que España recuperara a localidade de Mahón (Menorca) de mans dos ingleses o 6 de xaneiro de 1782.
![](https://img-g24-crtvg.flumotion.com/prog24/2024/20240106/FORTADIRCELEBRACIONPASCUAMILITAR2401061130_frame_133991.png)