A selección española estrélase contra o muro serbio
A selección española estrélase contra o muro serbio
Empate sen goles na estrea da última campioa de Europa na fase de grupos da Liga das Nacións
A campioa de Europa, a selección española, non puido continuar coa xeira vitoriosa e empatou sen goles en Serbia no primeiro partido da fase de grupos da Liga das Nacións. O equipo serbio resultou un muro infranqueable que non puido superar a dianteira española liderada por Yamal, Nico Williams e Ayoze, que entrou no lugar de Morata.
O primeiro tempo foi de moito dominio de balón español, case o 75 %, pero sen moitas oportunidades. De feito, a mellor opción tívoa Luka Jovic, pero o seu remate nunha inmellorable posición diante de Raya marchou desviado.
🤯Es difícil de explicar lo que acaba de fallar Serbia
— Teledeporte (@teledeporte) September 5, 2024
Juzguen ustedes mismos el error de Luka Jovic#UNL #SelecciónRTVE
📺https://t.co/O2FsvPHSM2 pic.twitter.com/Wa0vgmyxDI
España comezou ambiciosa a segunda metade con remates de Carvajal e Fabián no cuarto de hora inicial. Pasaban os minutos e volvía o muro defensivo de Serbia, que puideron derrubar Grimaldo e Yamal no minuto setenta cunha dobre oportunidade moi clara.
De La Fuente empregou todos os trocos con xogadores de ataque, incluído o de Silleda Joselu Mato, pero non houbo maneira de desfacer o empate inicial.
