A UE adopta o décimo paquete de sancións contra Rusia

A Unión Europea adoptou este sábado o décimo paquete de sancións contra Rusia. Os vinte e sete chegaron a un acordo este venres in extremis que foi referendado esta mesma mañá.

O novo paquete de sancións inclúe, entre outras cousas, un veto á exportación de tecnoloxía de uso militar e medidas restritivas contra persoas e entidades que apoien a guerra.

Este décimo paquete de represalias contra o Kremlin sanciona sete empresas iranianas vinculadas á Garda Revolucionaria que fabrican os drons que Teherán está dando a Moscova para bombardear Ucraína.

A presidenta da Comisión Europea, Ursula von der Leyen, congratulábase do acordo nas súas redes sociais.

"Agora temos as maiores sancións nunca impostas, que esgotan o arsenal de guerra de Rusia e erosionan profundamente a súa economía".

I welcome the formal adoption of our 10th sanctions package against Russia.

We now have the most far-reaching sanctions ever - depleting Russia's war arsenal and biting deep into its economy.

We are also turning up the pressure on those trying to circumvent our sanctions. https://t.co/hh74CxvbCx

— Ursula von der Leyen (@vonderleyen) February 25, 2023

As sancións serán publicadas nas próximas horas no Diario Oficial da Unión Europea.

Tamén o alto representante de Asuntos Exteriores da UE, Josep Borrell, celebrou nas súas redes sociais o novo paquete de sancións adoptado polos Vintesete. Segundo explicou, o bloque "segue comprometido na súa determinación para facer mella na máquina de guerra de Rusia".

The 10th sanctions package is adopted:
121 individuals and entities listed, significant new import/export restrictions, banning Russian propaganda outlets.

We remain united in our determination to dent Russia's war machine.

1/2

— Josep Borrell Fontelles (@JosepBorrellF) February 25, 2023

As sancións serán publicadas nas próximas horas no Diario Oficial da UE.