A UE dá o visto e prace final para considerar sostibles as plantas nucleares e de gas

Os países da Unión Europea apoiaron a proposta da Comisión Europea para considerar sustentables certos investimentos en plantas nucleares e centrais eléctricas de gas, co que se supera o último obstáculo para que a polémica regulación poida entrar en vigor en 2023.

Os Estados membros tiñan ata a medianoite do lunes 11 de xullo para rexeitar a medida. Ao expirar o prazo sen que se opuxesen, considérase formalemente aprobada.

A proposta inclúe na clasificación europea dos investimentos considerados sostibles as centrais nucleares con permiso de construción anterior a 2045 e as plantas de gas que emitan menos de 270 gramos de CO₂ por kilowatt hora ata 2031 ou menos de 100 gramos no conxunto da súa vida útil.

O obxectivo da taxonomía era etiquetar aquelas actividades consideradas autenticamente verdes para facilitar que se canalicen os investimentos a fins sostibles en sectores como o enerxético, a agricultura, o transporte ou a industria, pero na práctica non obriga nin prohibe investir nelas.