Francisco Conde cualifica de improvisadas as medidas de aforro enerxético do Goberno

Dende a Xunta, o vicepresidente primeiro e conselleiro de Economía e Industria considera que as medidas enerxéticas do Goberno deberían de adoptarse desde o diálogo e o consenso coas comunidades autónomas.

Francisco Conde cualificou as medidas de improvisadas, que non van beneficiar, dixo, o sistema produtivo.

"O Goberno debería tomar medidas vinculadas coa subministración, co prezo enerxético, vinculadas coa inflación e que polo tanto tivesen un impacto no noso tecido produtivo e que non puxesen en risco o emprego e sobre todo a actividade económica", afirmou Francisco Conde.