Abre en Vigo o primeiro cinema 4D de Galicia

Dúas mil persoas estrearon xa a pasada fin de semana os novos cinemas de Vigo.

Os vellos Gran Vía xestionados agora pola empresa española Ocine ofrecen a primeira sala 4D de Galicia onde podemos gozar dunha experiencia completa: con cadeiras que se moven, teito que orballa e sala que desprende arrecendo.

Son nove espaciosas salas con pouco máis que 700 cadeiras.

Hai unha sala infantil con xogos para gozar no descanso. E son envolvente en todas as salas.

Unha oportunidade especial de volver gozar do cinema en pantalla grande con propostas como Capitán América, Paddington Tres, Policán ou The Monkey.