Os alumnos dun instituto vigués recrean vidreiras góticas nas ventás do seu centro

Os alumnos do Santa Irene en Vigo converteron o seu instituto nunha catedral gótica. Máis de douscentos escolares recrearon nas ventás do centro as vidreiras que caracterizan este período artístico.

Fixérono da man das súas profesoras de historia, relixión e plástica. Dun xeito lúdico achegáronse ao gótico dende diferentes disciplinas e aprenderon moito de traballo en equipo. O resultado é espectacular.