Betanzos solicitará a declaración do seu Globo como Ben de Interese Cultural

O Goberno local de Betanzos vai solicitar a declaración do seu Globo como Ben de Interese Cultural. Queren que se recoñeza como patrimonio inmaterial de Galicia, porque entenden que o Globo de Betanzos é o principal atractivo das festas que se celebran en agosto na vila, e que ten un significado que transcende o ámbito local.

Esta peza de papel pesa uns 150 quilos e no seu interior reúne uns 2.300 metros cúbicos de aire. Sempre vai decorado cunha escena cómica relativa aos acontecementos do ano. Trátase dunha tradición que se remonta ao ano 1834.